Mošupatsela wa mabapi le Tšwetšopele ya Phihlelelo ya Molao wa Tshedimošo wa 2000 (Molao wa 2 wa 2000) wa Khansele ya Dikimi tša Kalafo, lekgotla la semolao leo le hlamilwego ke Molao wa Dikimi tša Kalafo wa 1998 (Molao wa 131 wa 1998)
Tšwetšopele ya Phihlelelo ya Molao wa Tshedimošo
Khansele ya Dikimi tša Kalafo
Ditsela tšeo di lego mabapi le go dira kgopelo
Ditshenyagalelo tša go humana pego
Dikgopelo go bakgopedi
Sebopego sa phihlelelo
Polelo ya phihlelelo
Mabaka a go gana
Tlhalošo ya dipego tše di swerwego ke Khansele ya Dikimi tša Kalafo
Kutullo ya tshedimošo ka boithaopo
Ditirelo tše di abjago ke Khansele ya Dikimi tša Kalafo
Se o swanetšego go se dira ge mohlankedi a go ganetša ka pego goba a go ganetša ka tshedimošo ye e go loketšego
Dintlha tša go ikgokaganya
Foromo ya Kgopelo
Dikhutsofatšo tše di šomišitšwego
KDK: Khansele ya Dikimi tša Kalafo
TPMT: Tšwetšopele ya Phihlelelo ya Molao wa Tshedimošo ya 2000 (Molao wa 2 wa 2000)
Molao: Molao wa Dikimi tša Kalafo wa 1998(Molao wa 131 wa 1998)
TŠWETŠOPELE YA PHIHLELO YA MOLAO WA TSHEDIMOŠO
TPMT e ikemišeditše go phethagatša ditokelo tšeo di lego mabapi le phihlelelo ya tshedimošo di lego ka go Molaokakanywa wa Ditokelo gammogo le go toka ya setšhaba. Gape e na le mellwane yeo e lego mabapi le ditokelo tša phihlelelo ya tshedimošo yeo maikemišetšo a yona e lego go šireletša diphiri tša batho le go šireletša tshedimošo ya sephiri ya batho, gammogo le go netefatša gore go ba le taolo ya tshepedišo ya bokgoni. E lekanyetša tokelo ya go fihlelela tshedimošo le ditokelo tše dingwe tše di tšwelelago ka molaotheong. Ka kakaretšo, TPMT e leka go tšwetšapele go se fihle, maikarabelo gammogo le tshepedišo ye e lokilego makaleng a mmušo le a praebete.
KE MANG YO O KA KGOPELAGO PEGO?
Mang le mang a ka kgopela tumelelo ya pego yeo e swerwego ke KDK. Motho a ka no e kgopela sebakeng sa yo mongwe. Pego e ka kgopelwa ke motho yo mongwe le yo mongwe goba ya kgopelwa ke khampani goba ya kgopelwa ke sehlongwa sa praebete goba ya kgopelwa ke trasete.
KHANSELE YA DIKIMI TŠA KALAFO (KDK)
KDK ke sehlongwa sa semolao se se hlamilwego ke Molao wa Dikimi tša Kalafo wa 1998 (Molao wa 131 wa 1998), go thuša setšhaba gammogo le maloko a dikimi tša kalafo.
MOŠOMO WA KHANSELE YA DIKIMI TŠA KALAFO (KDK)
KDK e okamela diintasteri tše kgolo. Go na le dikimi tša kalafo tše ka bago tše 160 mo Afrika-Borwa le dimilione tše ka bago tše šupa tša baholegi. Maikemišetšo a magolo a KDK ke go-
šireletša dikgahlego tša dikimi tša kalafo gammogo le maloko a tšona;
laola le go kgokaganya mošomo wa dikimi tša kalafo kgobokanya le go phatlalatša tshedimošo ye e lego mabapi le tša Maphelo bja praebete eletša Tona ya Maphelo ka ga se sengwe le se sengwe seo se amango le dikimi tša kalafo fa tlhokomelo ye e tseneletšego mabapi le dikimi tša kalafo netefatša kobamelo ya Molao; gammogo le go nyakišiša dingongorego le go rarolla dikganetšano tšeo dilego malebana le dikimi tša kalafo.
PONO YA KHANSELE YA DIKIMI TŠA KALAFO
KDK e šomela intasteri ya dikimi tša kalafo yeo e laolwago go šireletša dikgahlego tša maloko a tšona le go tšwetšapele phihlelelo ye e lokilego ya go lekalekana yeo e lego malebana le tefelo ya tlhokomelo ya maphelo a praebete ka maikemišetšo a go hlatloša maemo a tša maphelo a Maafrika-Borwa.
KANTORO YA GA MONGWADIŠI
Mongwadiši wa KDK o ikarabela go Khansele, yeo e kgethilwego ke Tona ya Maphelo. Maikarabelo a ga Mongwadiši ke a a latelago:
Tlhabollo ya maanotaetšo a dikamano le baamegi ba bohlokwa gammogo le tirišanommogo le bona.
Kgokaganyo ya ditiro tšhohle tša disenthara tše di fapanego tša ditshenyagalelo.
DISENTHARA TŠA DITSHENYAGALELO KANTORONG YA MONGWADIŠI
TUMELELO YA SEMMUŠO
Di dumelela semmušo diporoukhara, balaodi ba dikimi tša kalafo le mekgatlo ya tlhokomelo ye e laolago.
Di nyakišiša dingongorego kgahlanong le mekgatlo ye e dumeletšwego semmušo.
Di tšwetšapele maemo, dilekanyo le maemo a tirelo bakeng sa mekgatlo ye e dumeletšwego semmušo.
DIKGOKAGANYO
E tsebiša setšhaba le batšeakarolo, gammogo le media ka ga mošomo wa Khansele ya Dikimi tša Kalafo
E hlatloša maemo a mongwadiši, badiredi le mošomo wa khansele.
E tšwetšapele kwešišo ya tikologo ya dikimi tša kalafo ke babolokedi, baholegi, le setšhaba
YUNITI YA DINGONGOREGO LE BOAHLODI
go šoma ka dingongorego tše di hlagišitšwego ke maloko a setšhaba ka go-
amogela dingongorego, go di sekaseka le go di rarolla ka go kgontšha, nyakišiša go se lekalekane mabapi le Molao wa Dikimi tša Kalafo, netefatša gore dikimi di ba le dikomiti tša dikganetšano, lebelela tshwaro ya baholegi gore go tle go be le tshwaro ye e lokilego, gammogo le go netefatša gore dikabelo tša Molao di hlathollwa le go dirišwa gabotse.
YUNITI YA KOBAMELO
Tlhahlobo ka botlalo ya dikimi tše di sa obamelego tša molao.
Tebelelo go ditshenyagalelo tša tlhokomelo yeo e sego ya kalafo le taolo ya dikimi.
Go kgonthišiša kabamelo le tumelelo ya kgaolo ya mellwane
Tiišo ya melao yeo e dirilwego ke Mongwadiši wa dikimi tša kalafo
Go kgonthišiša kobamelo ka botlalo ya melawana le Molao wa Dikimi tša Kalafo
TLHOKOMELO YA DITŠHELETE
E netefatša gore dinyakwa tšeo di lego mabapi le matlotlo tšeo di lego ka fase ga taolo ya ditheo tše di dumeletšwego semolao, di a obamelwa.
E sekaseka ka botlalo ditšhelete tša dikimi tša kalafo.
DITIRELO TŠA SEMOLAO
E fa thekgo ya semolao go KDK le Kantoro ya Mongwadiši
NYAKIŠIŠO LE TEBELELO
E lebelela thulano ya Molao wa Dikimi tša Kalafo, melawana ya yona le ditlhabollo tša yona.
E nyakišiša ditsela tšeo di lego mabapi le tša tšhelete tša maphelo a praebete le demokrafi.
E lebelela mošomo ya dikimi le go obamela Molao ga tšona.
E nyakišiša le go hlabolla ditumelelo tšeo di lego mabapi le melawana ya diphetogo.
DITIRELO TŠA TLEMAGANO
Ditšhelete tša Ka gare: Di netefatša pego ye e loketšego ya tša tšhelete le maikarabelo a a lokilego a KDK.
Tša bašomi: Di netefatša tshepedišo ye bonolo mabapi le methopo ya batho.
DITSELA TŠA GO DIRA KGOPELO
Gore kgopelo ya pego ya sehlongwa sa setšhaba e tle e rarollwe, mokgopedi o swanetše go obamela ditsela tšhohle tše di latelago tša dinyakwa tša TPMT:
Foromo ya kgopelo e swanetše go tlatšwa.
Foromo e swanetše go tlišwa go mohlankedi wa tshedimošo ka fekse, ka imeili, ka poso goba ka letsogo.
Tšhelete ya kgopelo e swanetše go lefelwa.
Mokgopedi o tlile go romelwa lengwalo go motsebiša ka ga dipoelo tša kgopelo ya gagwe.
Kgopelo ya go fihlelela pego ye e lego ka mo matsogong a KDK ye e sa bonwego ntle le tefo go ya ka karolo ya bo 51 ya TPMT e swanetše go dirwa go mohlankedi wa tshedimošo mo foromong e e laeditšwego. Mokgopedi o swanetše go fa dintlha ka botlalo gore mohlankedi a kgone go tseba gore ke tokomane efe ye e kgopelwago. Mokgopedi o swanetše go laetša ge e le gore o nyaka khopi ya pego goba ge e le gore o nyaka go tla go e lebelela fela. Ge pego e le mo khomphuthareng mokgopedi o swanetše go laetša gore o e nyaka e gatišitšwe goba e rarollwe ka mohuta wa eleketroniki. Ge e le gore pego e hlagelela ka maleme a mmalwa, mokgopedi o swanetše go laetša gore yena o e nyaka ka leleme lefe. Mohlankedi wa tshedimošo goba mohlankedi fela o tlile go thuša bakgopedi bao ba sa kgonego go bal le go ngwala go tlatša foromo ya kgopelo.
DITSHENYAGALELO TŠA GO HWETŠA PEGO
Go na le mehuta e meraro ya ditefo yeo e šomišwago ke TPMT. Tefo ya kgopelo ya R35,00 e lefelwa ge go dirwa kgopelo. Tšhelete a kgopelo e swanetše go lefelwa pele kgopelo e ka sepetšwa. Ditefo tša tlaleletšo tšeo di lego mabapi le phihlelelo le tša go dirwa ga dikhopi di laolwa ke ka fao kgopelo e lego ka gona. Bakgopedi ba dipego tšeo di nago le tshedimošo ya bona ga ba lefele tšhelete a kgopelo, ba lefela fela tšhelete ya phihlelelo le/goba go dirwa ga dikhopi.
TŠHELETE YE E LEFELWAGO TSHEDIMOŠO YEO E TŠWAGO GO KDK
Tšhelete ye e lego malebana le go dirwa ga dikhopi e laeditšwego go molawana wa 7 wa melawana ye e lebišitšwego go TPMT (ye e dirago mekgatlong ka moka ya setšhaba) e ka mo go latelago:
a fothokhopi ye nngwe le ye nngwe ya letlakala ya bogolo bja A4 goba karolo ya yona R0.60
b khopi ye nngwe le ye nngwe ye e gatišitšwego ya letlakala la bogolo bja A4 goba karolo ya yona ye e lego mo mohuteng wo go boletšwego ka wona wa khomphutara goba wa elektroniki goba wa motšhene R0.40
c khopi ye e lego mo mohuteng wa go balega wa khomphutara mo-
d ngwalollo ya diswatšhokgopolo tša pono, ya letlakala la bogolo bja A4 goba karolo ya yona R22.00
ii khopi ya diswantšhokgopolo tša pono R60.00
ei ngwalollo ya pego ye e ka theeletšwago ya letlakala la bogolo bja A4 goba karolo ya yona R12.00
ii khopi ya pego ye e ka theeletšwago R17.00
Tšhelete a phihlelelo a mokgopedi a swanetšego go a lefela a a laeditšweng mo molawaneng wa 7 ke a a latelago:
(a) fothokhopi ye nngwe le ye nngwe ya letlakala la bogolo bja A4 goba karolo ya yona R0.60
b khopi ye nngwe le ye nngwe e e gatišitšwego ya letlakala ya bogolo bja A4 goba karolo ya yona e e lego mo mohuteng wo o balega wa khomphutara goba wa elektroniki goba wa motšhene R0.40
d i ngwalollo ya diswantšhokgopolo tša pono, ya letlakala la bogolo bja A4 goba karolo ya yona R22.00
khopi ya diswantšhokgopolo tša pono R60.00
ei ngwalollo ya pego ye e ka theeletšwago ya letlakala la A4 goba karolo ya yona R12.00
ii khopi ya pego ye e ka theeletšwago R17.00
f nako ye e hlokegago ya go nyaka pego le ya go e rulaganya gore e tle e utullwe R15.00 ka iri go sa akaretšwe iri ya pele
Mabaka a a latelago di swanetše go latelwa go ya ka karolo ya 22 ya Molao:
a Ke diiri tše tshela fela tše di ka fetišwago pele tšhelete ya peeletšo e ka lefelwa.
bMokgopedi o swanetše go lefela tšhelete ya phihlelelo ya go lekana le tee tharong ya peeletšo.
Tšhelete ya go posa e lefelwa ge khopi ya pego e swanetše go posetšwa mokgopedi.
TSEBIŠO GO BAKGOPEDI
Ka morago ga ge sephetho mabapi le poelo se tšerwe tsebišo goba temošo e tla romelwa mokgopedi.
Tsebišo e ka akaretša tshedimošo ye e latelago:
Bokaalo bja tšhelete ya kgopelo ye e swanetšego go lefelwa.
Go atlega ga kgopelo.
Go se atlege ga kgopelo.
Phihlelelo yeo e diegišitšwe ka lebaka le itšego.
Go fetišetšwa ga kgopelo mokgatlong wa maleba.
SEBOPEGO SA PHIHLELELO
TPMT e fana ka phihlelelo ya tshedimošo ka sebopego se sengwe le se sengwe seo se lego gona. Dipego di ka dirwa ka go fotokhopiwa, le go khopiwa mo didisking tše di tshwaraganego, khaseteng tša dividio, dikhaseteng tše di ka theeletšwago, bjalo bjalo.
POLELO YA PHIHLELELO
Mokgopedi yo kgopelo ya gagwe ya phihlelelo e šetšego e atlegile o tlile go fiwa pego ye e tšwelelago ka leleme goba polelo ye a e ratago, ge fela e le gona ka polelo yeo. Ge pego e se gona ka polelo yeo, e tlile go fiwa ka polelo ye e tšwelelago ka yona.
MABAKA A GO GANA
TPMT e fana ka mabaka a mmalwa a go gana ka phihlelelo ya pego. Phihlelelo e ka ganwa goba e swanetše go ganwa ka fase ga mabaka a a latelago:
Go šireletša diphiri tša motho yo mongwe le yo mongwe yo e lego wa tlholego, e sego khamphani goba sehlongwa sa praebete.
Go šireletša tshedimošo ya kgwebo ya batho ba bangwe.
Go šireletša tshedimošo ye e itšego ya sephiri.
Go šireletša polokego ya batho gammogo le dithoto.
Go šireletša kobamelo ya molao le tša merero ya molao, go akaretša le ditokete tša maphodisa ditshepedišong tša peile
Go šireletša dipego tše di lebaganego le merero ya molao.
Go šireletša tša merero ya dikamano tša sesole, tša dikamano tša tšhireletšo, le tša dikamano tša ditšhabatšhaba bja Repabliki ya Afrika-Borwa.
Go šireletša tša merero ya ikonomi le tša merero ya tša ditšhelete tša Repabliki le tša merero ya kgwebo tša ditheo tša setšhaba.
Go šireletša dinyakišišo.
Go šireletša mešomo ya setšhaba mabakeng a itšego
Go thibela phihlelelo go dipego tša maphelo.
TLHALOŠO YA DIPEGO TŠE DI SWERWEGO KE KDK
Dikimi tša kalafo
Lenane la dikimi tša kalafo tše di ngwadišitšwego.
Melao ya dikimi tša kalafo tše di ngwadišitšwego.
Ditatamente tša tšhelete tše di hlakišitšwego tša dikimi tša kalafo.
Dipego
Dipego tša dinyakišišo.
Dipego tša ngwaga ka ngwaga.
Dipego tša dinyakišišo.
Peomolao
Molao wa Dikimi tša Kalafo le ditlhabollo.
Molao wa 2000 wa Makgetho a Dikimi tša Kalafo Molao wa 58 wa 2000.
Melawana.
Ditsebišo.
Lenaneo la diporoukhara tše di amogetšwego semmušo.
Dingongorego
KUTULLO YA TSHEDIMOŠO KA BOITHAOPO
KDK e phatlaladitše tsebišo Kuranteng ya Mmušo ya nomoro ya bo 24080 ya 22 Nofemere2002 go ya ka karolo ya bo 15 ya TPMT. Tsebišo ye, e na le mananeo a dikarolo tša dipego tše di fihlelelwago ntle le tefo, tšeo mo go tšona ditefo tša go dirwa ga dikhopi di ka lefelwago.
DIPEGO TŠE DI LEGO GONA GO YA KA KAROLO YA 15 YA TŠWETŠOPELE YA PHIHLELELO YA MOLAO WA TSHEDIMOŠO YA 2000(MOLAO WA 2 WA 2000)
TLHALOŠO YA DIKAROLO TŠA DIPEGO TŠE DI LEGO GONA GO YA KA KAROLO YA BO 15 YA TPMT
MOKGWA WA PHIHLELELO YA DIPEGO
TLHALOŠO YA DIKAROLO TŠA DIPEGO TŠE DI KA REKIWANG GOBA TŠE DI KA KHOPIWANG GO YA KA KAROLO YA BO 15 (a)(ii)
Pego ya dinyakišišo le diphihlelelo
Dipego di ka lebelelwa goba tša fihlelelwa Sehlongweng sa Mothopo sa KDK.
Dipego tša ngwaga ka ngwaga tša KDK
Pego e ka hwetšwa ka kgopelo ka go ngwalela go Hlogo ya Dikgokaganyo ya KDK.
Dikhopi tša di swa tša pego di ka hwetšwa ka go etela Sehlongwa sa Mothopo.
TLHALOŠO YA DIKAROLO TŠA DIPEGO TŠE DI HWETŠWANG NTLE LE TEFO GO YA KA KAROLO YA BO 15 (a)(iii)
Dipego di ka hwetšwa Bongwadišong le Ngwadišonsemmušo ka go ngwalela gona goba ka go ba leletša mogala.
Lenaneo la dikimi tša kalafo tše di ngwadišitšwego
Dipego di ka hwetšwa Bongwadišong le Ngwadišongšemmušo ka go ngwalela gona goba ka go ba leletša mogala.
Molao le Melawana ya Dikimi tša Kalafo
Dipego di ka hwetšwa ka go etela Sehlongwa sa Mothopo.
Sekhwama sa Tekatekano ya Dikotsi
Dipego di ka hwetšwa ka go etela Sehlongwa sa Mothopo.
Mafelo a a latelago a mararo ke a botseno a setšhaba a KDK ntle ga melawana ya diyuniti tšeo di šomago ka dikimi tša kalafo, diporoukhara le balaodi:
Senthara ya Tsebo.
Yuniti ya Dingongorego.
Karolo ya Tlhahlo ya Bašomiši
Senthara ya Tshedimošo
SEHLONGWA SA MOTHOPO SA KDK
Sehlongwa sa Mothopo sa KDK se bulwa malatsi a le mahlano a beke, go thoma ka 08:00 go fitlha ka 17:00. Se dumelela ka tshedimošo e e mabapi le tšhelete a Maphelo bja praebete bja fa gae le bja ditšhabatšhaba. Dathapeisi ya yona e fihlelewa kwa websaeteng ya MDK.
YUNITI YA DINGONGOREGO LE BOAHLODI
Yuniti e gona go šireletša dikgahlego tša maloko a dikimi tša kalafo. KDK e na le basekaseki ba go ba le tsebo e botse ya go šomana le dingongorego tšeo di tsentšhitšwego ke diporoukhara le maloko kgahlanong le dikimi tša kalafo. Foromo ya dingongorego e gona websaeteng ya rena goba o ka no ngwala lengwalo leo le ka romelwago ka fekse, la imeiliwa goba la posetšwa dikantorong tša KDK. Go ka ikgokaganywa le Sehlopha sa dingongorego ka mogala go fa keletšo ya ka pejana.
KAROLO YA TLHAHLO YA BAŠOMI
Yuniti ye, e bohlokwa kudu go ruteng le go matlafatšeng maloko a dikimi tša kalafo, bahlokomedi le diporoukhara ka tsebo ye e lego mabapi le Molao wa Dikimi tša Kalafo. Se ke maiteko a go oketša temogo ye e lego mabapi le ditokelo tša maloko a dikimi tša kalafo. Dithušo tšeo di lego mabapi le tlhahlo di rulagantšwe naga ka bophara go ruta le go sedimoša. Tshedimošo ye e feleletšego mabapi le se, e ka fihlelewa websaeteng ya rena ka go leletša yuniti ka nako ya diiri tša mošomo.
SE O SWANETŠEGO GO SE DIRA
GE MOHLANKEDI A GO GANETŠA KA PEGO GOBA A GO GANETŠA KA TSHEDIMOŠO YE E GO SWANETŠEGO.
TPMT e na le ditharollo tše mmalwa go leka go thibela go se obamelwe ga ditlhagišo tša yona. Kgato ya pele ke go dira boipiletšo bja ka gare, go tloga ge mokgopedi a ka iša molato go kgorostheko. Motho yo a ganago ka phihlelelo o swanetše go fa mabaka a gore ke kaba ka la eng a dira bjalo.
Go netefatša gore foromo ya gago ya kgopelo e amogelegile gabotse, netefatša gore e tlatšwa gabotse.
Netefatša gore dintlha tša gago tšeo di lego mabapi le thulaganyo di laeditšwe gabotse.
Ge o diriša websaete go tlatša foromo, netefatša gore o tobeditše konope ya go romela gomme o boloke ID ya mošomiši goba nomorotšhupetšo ye o e neilwego gore o tle o kgone go netefatša maemo a kgopelo ya gago ge go hlokagala.
Netefatša gore nomoro ya fekse ya KDK, atrese ya poso, goba atrese ya imeili e nepagetše pele o ka romela pego.
Leka go hlaloša pego yeo o e kgopelago ka mo go nepegilego.
Ge o nyaka thušo ikgokanyge le Khansele ya Dikimi tša Kalafo
Mogala: 431 0500
Fekse: 430 7644
MABAPI LE PHIHLELLO YA DIPEGO TŠA MOKGATLO WA SETŠHABA
Karolo 18[1] ya Molao wa Tšwetšopele ya Phihlelelo ya Tshedimošo [Molao 2 wa 2000]
E ŠOMIŠWA KE OFISI FELA
Kgopelo e amogetšwe ke
Ka la ka
Tefo ya kgopelo [ge e le gore e gona] R
Depositi[ge e le gore e gona] R
Tefo ya phihlelelo R
Tshaeno ya Mohlankedi wa Tshedimošo /
Tshaeno ya Motlatšamohlankedi wa Tshedimošo
Dintlha tša mokgatlo wa setšhaba
Mohlankedi wa Tshedimošo/Motlatšamomohlankedi wa Tshedimošo
Dintlha tša motho yoo a kgopelago phihlelelo ya dipego a Dintlha ka botlalo tša motho yo a kgopelago phihlelelo ya pego di swanetše go ngwalwa goba go rekhotwa ka fase.
b Efa atrese le/goba nomoro ya fekese Repabliking yeo tshedimošo e swanetšego go romelwa gona.
c Bohlatse bja maemo ao kgopelo e dirwago ka. Ge bo le gona, bo swanetše go gomaretšwa
Maina ka botlalo le Sefane:
Nomoro ya Boitsebišo:
Atrese ya Poso:
Nomoro ya Fekse:
Maemo ao kgopelo e dirwago ka yona, ge e dirwa legatong la motho yo mongwe:
C. Dintlha ka botlalo tša motho yoo kgopelo e dirwago sebakeng sa gagwe
Karolo ye e swanetše go tltšwa fela ge kgopelo e dirwa sebakeng sa mtho yo mongwe
Maina ka botlalo le Sefane:
D. Dintlha tša pego a Efa dintlha ka botlalo tša pego yeo go nyakwago phihlelelo go yona, go akaretša le nomorotšhupetšo ge e ba o a e tseba, go thuša gore pego e kgone go lebelelwa.
b Ge e le gore sekgoba se se filwego ga se a lekana, hle tšwela pele foliong ya ka thoko gomme o e gomaretse foromong ye. Mokgopedi o swanetše go saena dipotfolio ka moka tša tlaleletšo.
Tlhalošo ya pego goba karolo ya maelba ya pego:
Dintlha tše dingwe tša pego:
C. Ditefo a Kgopelo ya phihlelelo ya pego, ka ntle le ye e nago le dintlha tša motho ka ga wena, di tla dirwa fela ka morago ga ge tefo ya kgopelo e lefilwe.
b O tla tsebišwa ka tšhelete yeo e swanetšego go lefiwa bjalo ka tefo ya kgopelo.
c Tefo yeo e lefelwago phihlelelo go pego e ya ka foromo yeo kgopelo e nyakwago gomme nako ye e kwagalago e a hlokega go nyakišiša le go beakanya pego.
d Ge e le gore o lokela go se lefele tefo ye nngwe le ye nngwe, hle bolela lebaka leo.
Lebaka la tokollo ya go se lefe:
E. F. Foromo ya phihlelelo ya pego
Ge e le gore ka baka la bogole ga o kgone go bala, go bona goba go theeletša pego ka foromo ye o e filwego go thoma go 1 go fihla go 4 ka fase, bolela bogole bja gago gomme o laetše gore pego e nyakwa ka sebopego sefe.
Bogole: Sebopego seo pego e nyakwago ka gona:
Swaya lepokisana la maleba ka 'X'
a Taetšo ya gore go nyakwa foromo efe ya phihlelelo go ya ka sebopego seo pego e hwetšagalago ka gona.
b Phihlelelo ka sebopego seo e kgopelwago e ka no ganetšwa ka mabaka a mangwe. Ka mabaka ao o tla tsebišwa ge e le gore phihlelelo e tla fiwa ka sebopego se sengwe.
c Tšhelete yeo e lefelwago phihlelelo ya pego, ge e le gore e gona, e tla laetšwa ka ntlha e nngwe ke sebopego seo phihlelelo e nyakwago ka sona.
Ge e le gore pego e ka mokgwa wa go gatišwa goba go ngwalwa-
Tlhahlobo ya dipego
Ge e le gore pego e na le diswantšho tša go hwetšwa-
Lebelela diswantšho
Ngwalollo ya diswantšho*
Ge e le gore pego e na le mantšu a ago gatišwa goba tshedimošo yeo e hlagišwagoleswa ka modumo -
Theeletša mosetwane wa modumo khasete ya go kwewa
Ngwalollo ya mosetwane wa modumo*
tokumente ya go ngwalwa goba ya go gatišwa
Ge e le gore pego e ka khomphuthareng goba ka mokgwa wa elektroniki goba wa go balwa ka motšhene -
Khopi ye e gatišitšwego ya pego*
Khopi ya tshedimošo ye e gatišitšwego go tšwa dipegong*
Khopi ya go kgona go balwa ya khomphutha
Ge e le gore o kgopetše khopi ya ngwalollo ya pego [ya ka godimo], na o rata gore khopi goba ngwalollo e posetšwe go wena?
Tefo ya poso e a lefelelwa.
Hlokomela gore ge e le gore pego ga e hwetšagale ka leleme leo o le ratago, phihlelelo e ka e ka fiwa.newa ka leleme leo pego a hwetšagalago ka gona.
Ke polelo efe yeo o ratago go amogela dipego ka yona? ...
F. G. Tsebišo ya sephetho malebana le tumelelo ya phihlelelo
O tla tsebišwa ka go ngwalwa gore kgopelo ya gago e dumeletšwe /gannwe. Ge e ba o rata go tsebišwa ka mokgwa o mongwe, hle laetša mokgwa wooo gomme o fane ka dintlha tša maleba go dira gore di sepelelane le kgopelo y agago.
O ka karata gore oo tsebišwe bjang ka ga sephetho mabapi le kgopelo ya tumelelo ya pego? ...
E saennwe ... ka la ... tšatšikgwedi la ... 20 ...
TSHAENO YA MOKGOPEDI / MOTHOYO GO DIRWAGO KGOPELO LEGATONG LA GAGWE
